26-уми феврали соли ҷорӣ дар литсей-интернати Президентӣ барои хонандагони болаёқат дар шаҳри Душанбе бахшида ба 19-умин солгарди таъсисёбии Созмони хонандагони муассисаҳои таҳсилоти умумии Ҷумҳурии Тоҷикистон ба номи Исмоили Сомонӣ чорабинӣ таҳти унвони «Ба хизмати халқу Ватан ҳамеша тайёр бош!» баргузор гардид. Дар он муовинони директор оид ба таълим Асомиддин Элчибоев, тарбия Дилором Муқимова, мудири бахши Созмони хонандагони Маркази ҷумҳуриявии муассисаҳои таҳсилоти иловагии Вазорати маориф ва илм Икромиддин Бобоҷонов ва дигарон оид ба таърихи таъсис ва фаъолияти созмон дар кишвар суханронӣ карданд. Ҳамзамон, дар ин ҳамоиш дар вазъияти тантанавӣ як гурӯҳ хонандаи литсей-интернат ба зинаи «Ворисони Сомониён»-и созмон қабул гардиданд. Роҳбари Созмони хонандагони муассиса Тоҷиннисо Давлатова иброз дошт:

- 69 таълимгирандае, ки имрӯз ба узвияти созмон пазируфта шуданд, бо дониши хубу аъло ва рафтори намунавӣ дар муассиса намунаи ибратанд.

Дилафрӯз Қурбонӣ,

«Омӯзгор»