Дар шаҳри Хоруғ мусобиқаи волейбол баргузор шуд. Дар он 6 тим: «Душанбе -1», «Душанбе-2», «Хатлон -1», «Хатлон -2», шаҳру навоҳии тобеи марказ ва ВМКБ ширкат намуданд. Бозингарон аксаран толибилмону донишҷӯёни макотиби олӣ ва омӯзишгоҳҳои кишвар буданд.

Муовини аввали раиси ВМКБ Алишер Мирзонаботов чунин мусобиқаҳои варзиширо  омили беҳтарини баҳамоии наврасону ҷавонони кишвар ва тарғибу ташвиқи тарзи ҳаёти солим дар мамлакат номид.

Баъди сабқати панҷрӯза тими ВМКБ соҳиби ҷои аввал, «Душанбе-1» ҷои дуюм ва «Душанбе-2» ҷои сеюмро соҳиб шуданд.

Ҷ.Қозибеков,

«Омӯзгор»