Сифати либоси мактабии корхонаи дӯзандагии «Меҳри модар»-и ноҳияи Дарвоз ба харидорон писанд омад. Ба наздикӣ намунаи ин либосҳо дар шаҳри Ваҳдат ба маърази тамошо гузошта шуда, харидорони зиёд пайдо кард. Масъулони шаҳр тасмим гирифтаанд, ки аз ин корхона ба миқдори 3 ҳазор ҷуфт сару либоси мактабӣ харидорӣ намоянд.  Маъмурияти корхона бо мақсади баланд бардоштани сифати маҳсулот ороишгари моҳири корхонаи дӯзандагии шаҳри Хуҷанд Ҷамшед Бобоевро барои таълим додани нозукиҳои касби дӯзандагӣ  ба корхона даъват намуд.

Корхона тасмим гирифтааст, ки дар мавриди харидорӣ шудани 100 адад сару либоси мактабӣ 1 адад сару либосро ройгон ба харидорон туҳфа намоянд.