Дар толори қасри фарҳанги шаҳри Бӯстон бахшида ба 95-солагии шоири ширинкалом Аминҷон Шукӯҳӣ дар доираи чорабиниҳои Фестивали ҷумҳуриявии «Ҳафтаи китоби кӯдакону наврасони Тоҷикистон» озмуни «Шукӯҳихонӣ» баргузор гардид.

Дар озмун хонандагони муассисаҳои таҳсилоти миёнаи умумии шаҳр ширкат намуда, аз ашъори шоир шеърҳо қироат намуданд.

Тибқи хулосаи ҳакамон хонандаи синфи 8-и муассисаи таҳсилоти миёнаи умумии №3 Фарзона Худойназарова ғолибиятро ба даст оварда, ба даври вилоятии озмуни мазкур роҳхат гирифт. Ба ғолибони озмун туҳфаҳои хотиравӣ ва сипосномаҳо тақдим карда шуд.

Нуъмон РАҶАБЗОДА,

«Омӯзгор»