Баҳри тақвият бахшидани солимии ҷавонон дар қаламрави ВМКБ як қатор иншооти варзишӣ бунёд ёфтаанд. Корманди Ҷамоати деҳоти Тусёни ноҳияи Роштқалъа Абдулмаҷид Ғиёсов зимни суҳбат гуфт, ки соли ҷорӣ дар ноҳия беш аз 8 иншооти варзишӣ мавриди баҳрабардорӣ қарор дода шуд. На ҳамаи майдончаҳо ва толорҳои варзишии назди мактабҳо ба гузаронидани чорабиниҳои варзишӣ ва фарҳангӣ мутобиқат мекунанд. Чанде пеш дар деҳаи Зигур ба таври ҳашар майдончаи варзишӣ бунёд гардид, ки номи «Наврӯзгоҳ»-ро касб кард.

Ҷ. Қозибеков,

«Омӯзгор»