Ҳар сол дар шаҳру ноҳияҳои ВМКБ раёсати ҳолатҳои фавқулода ва мудофиаи граждании вилоят дар ҳамдастӣ бо бахши Агентии Оғохон оид ба муҳити зист ва Ҳилоли Аҳмари Тоҷикистон “Рӯзи дарҳои кушод”-ро баргузор менамояд. Дар чорабинии мазкур дар шаҳри Хоруғ таҷҳизоту техникаи наҷотдиҳӣ ба намоиш гузошта шуда, дар он хонандагон ва омӯзгорони муассисаҳои таълимии рақами 2, 5 ва 6-и шаҳри Хоруғ ҷалб гардиданд. Дар маркази таълимӣ – методӣ оид ба сари вақт огоҳ намудани сокинон аз сар задани ҳолатҳои фавқулода ва таъҷилан бартараф намудани офатҳои табиӣ чорабиниҳои амалӣ рӯи кор омаданд. Чунин чорабиниҳо дар ноҳияҳои Дарвозу Ванҷ низ баргузор шуданд.

Ҷ. Қозибеков,

“Омӯзгор”