Таҳияи Барномаи давлатии такмил ва омӯзиши забонҳои русӣ ва англисӣ дар Ҷумҳурии   Тоҷикистон барои солҳои   2015 – 2020  иқдоми хеле саривақтӣ буда, барои иҷрои он на танҳо омӯзгорони забони русӣ ва англисӣ масъуланд, балки ин барномаро аҳли ҷомеа, фаъолон, кумитаи падару модарон, омӯзгорони дигар    фанҳо низ бояд дарк намоянд ва дар татбиқи амалии он саҳмдор бошанд.

Вазифаи омӯзгорони   забони   русӣ   ва    англисӣ    имрӯз   хеле   ҷиддиву   масъулиятнок   буда, онҳо инро бояд доимо ҳис намоянд  ва роҳҳои   самаранок гардонидани   забонҳои   русиву англисиро   ҷустуҷӯ намоянд. Шурӯъ аз   синфҳои    ибтидоӣ    омӯхтани   забони хориҷӣ аҳамияти    калон  дорад.   Агар   аз   зинаи   аввал   омӯзиш   хуб   ба  роҳ   монда шуда бошад,   дар   зинаҳои   болоӣ   сифати   дониши толибилмон   беҳтар   мешавад.   Омӯзгорони   забони   русӣ   ва   англисиро   зарур   аст,    ки   дар    фаъолияти    педагогии   худ   методҳои   гуногуни    таълимро    истифода намуда,   кӯшиш   намоянд,   ки   дар  маҳфили   фаннӣ   аз эҷодиёти шоиру   нависандагони   классик   ва  муосири   рус   истифода   баранд.  Баҳри   такмил  ва    омӯзиши   забони   русӣ    ташкили   маҳфили   фаннӣ нақши   калон    мебозад. Дар    чунин   маҳфилҳо   кор   бо хонандагони   болаёқат   ва   сустхон   ба   нақша    гирифта   шуда,   ба ин васила, гузаронидани   корҳои   беруназсинфӣ  тарзи   муҳими фаъолияти омӯзгор ва хонанда мебошад.

Барои амалигардонии Барномаи   давлатии    такмил   ва   омӯзиши   забонҳои   русӣ   ва англисӣ дар Ҷумҳурии   Тоҷикистон барои солҳои   2015 – 2020   дар  мактаби  №6-и ноҳияи Зафаробод як    қатор чорабиниҳо   гузаронида мешаванд. Аз ҷумла, барои беҳтар намудани   дониши  хонандагон    аз фанҳои забони русӣ ва англисӣ    маҳфилҳои    фаннӣ      амал    карда   истодаанд,   ки   дар   он    теъдоди    зиёди   хонандагон    иштирок   менамоянд. Бо   иштироки   як   гурӯҳ аъзои  маҳфил  композитсияи    адабию   мусиқӣ   дар   мавзӯи   «Тоҷикистон  -   кишвари   азизи    ман»   гузаронида   шуд,   ки   дар   он   хонандагон   дар бораи ватани  азизамон   шеъру,   суруд,   зарбулмасалу   мақолҳо гуфта маҳорати худро нишон доданд, ки иштироки    фаъолонаи   ровиёни  барнома  Ситора   Нуруллоева  ва  Маҳфуза   Файзализода,  инчунин,  хонандагон   Ҳикматой   Олимова, Нозимҷон Раҷабов,  Рухшона   Холиқова,   Замира   Исматзода,  Фарида   Субҳизода,  Лола   Олимова   ва   чанде   дигаронро    қайд    намудан   лозим   аст.

Ба   ғайр аз   ин, гузаронидани   дигар намуди машғулиятҳои   берунзсинфӣ, ба монанди  хонишҳои   беруназсинфӣ   дар  бораи  ҳаёт ва фаъолияти   шоир   ва   нависандагони   классик  ва   муосир,   озмунҳо, мусобиқаҳо   байни   хонандагони   синфҳо  ба   донишандӯзии   хонандагон  мусоидат намуда, сатҳи  дониши онҳоро беҳтар менамояд.

 Исроил   Раҷабов,

роҳбари   иттиҳодияи

методии   фанҳои забони   русӣ ва англисии мактаби

№6-и  ноҳияи Зафаробод