Худомӯзӣ раванди мақсадноки кори омӯзгор барои васеъ ва амиқ кардани донишҳои назариявии худ, мукаммал намудани маҳорату малакаи касбӣ дар асоси талаботи илмҳои педагогика ва психология мебошад.

Зарурияти  худомӯзӣ  агар  аз  як  тараф,  хусусияти  фаъолияти  омӯзгорӣ  бошад,  аз  тарафи  дигар, талаботи  тағйирёбандаи  ҳаррӯзаи  ҷомеа, пешрафти  илм  ва  амалия,  ки аз  инсон  аксуламали  тез  ва  комилан  мувофиқро  талаб  мекунад, мебошад.  Бинобар  ин,  ба  омӯзгор  зарур  аст,  то  ки  худро  аз  ин  раванд  дур  нагирифта,  баръакс, дар  назди  худ  вазифаҳои  мураккабтарро  гузошта,  аз  пайи  ҳалли  моҳиронаи  онҳо  шавад  ва  барои  тағийр  додани  фаъолияти  худ   тайёр  бошад.

Мақсади  худомӯзӣ  аз  он  иборат  аст,  ки  омӯзгор  бояд  аз техника ва технологияи   муосир   дар дарсҳо  истифода  барад,  аз  ҳалли   масъалаҳои  душвор  нагурезад.

Бо  ин  мақсад,  омӯзгор  бояд, пеш  аз  ҳама,  нақша  тартиб  дода,  дар  асоси  он  фаъолият  намояд.   Тартиб  додани  нақша,  аз  як  ҷиҳат  агар  сарфи  вақтро  талаб  кунад,  аз  ҷиҳати  дигар, ба  бедор  намудани  завқ  ва  бартараф    кардани  номуташаккилӣ  мусоидат  намуда,  ҳамчун  роҳнамо  хизмат  мекунад. 

Мақсадҳои  худомӯзӣ:

- омӯхтан  ва  татбиқ    намудани    шакл  ва  усулҳои  нав  дар  таълим  ва тарбия;

- гузаронидани  дарсҳои  кушоди  намунавӣ;

- шинос  шудан  бо  усули  кори  омӯзгорони  эҷодкор;

- ба таври мунтазам дар  дарс  истифода  бурдани  технологияи  иттилоотӣ;

- истифодаи ҳадафмандона аз Интернет;

- шинос  шудан  бо  дастовардҳои  соҳаи   илмҳои   биологӣ: генетика,   селексия,  микробиология  ва  ғайра;

- иштироки  фаъолона  дар  ҳафтаи  фаннӣ ва супоридани  аттестатсияҳо;

- дар  байни  хонандагон тарғиб намудани  тарзи  ҳаёти  солим;

Вазифаи омӯзгор дар ҷараёни худомӯзӣ:

-банақшагирии  раванди  таълиму  тарбия  дар  асоси  татбиқи  усулҳои    муосири  педагогӣ;

-истифодаи  эҷодкоронаи  донишҳои  касбӣ-педагогӣ  барои  ҳалли масъалаҳои мушаххаси  таълимӣ  ва  тарбиявӣ  бо  назардошти хусусиятҳои    синнусолӣ, фардӣ  ва  иҷтимоӣ-равонии  хонандагон;

-ташкил  намудани  раванди  таълиму  тарбия  дар  сатҳи  талаботи замони муосир;

-дар  хонандагон  ба  вуҷуд  овардани  салоҳиятҳо   барои  ҳалли  масъалаҳои проблемавӣ,  ки  дар  ҳолатҳои  ҳаёти  воқеӣ  рух  медиҳанд;

-бедор  кардани  завқи  хонандагон  ба  фанҳои  биология  ва  химия;

-бақайдгирӣ  ва  баҳогузорӣ  ба  натиҷаи  фаъолияти  худ  бо  мақсади  муайян    кардани  вазифаҳои  нав.

Сайфура Одинаева,

литсейи инноватсионнии

«Душанбе»