Дар Донишгоҳи давлатии ҳуқуқ, бизнес ва сиёсати Тоҷикистон бо ташаббуси кафедраҳои технологияи иттилоотӣ дар иқтисодиёт ва технологияҳои иттилоотию коммуникатсионӣ ва барномарезӣ конфронси илмию амалӣ таҳти унвони “Системаҳои иттилоотӣ: муаммоҳо ва дурнамои рушд”  доир гардид, ки дар он як зумра олимону донишмандон ва устодон аз донишкадаву донишгоҳҳои вилояти Суғд иштирок намуданд.

Муовини ректор оид ба илм ва инноватсия Тӯрақул Ризоқулов гуфт, ки баргузории ин гуна конфронсҳо имкон медиҳад, ки корҳои илмиву тадқиқотӣ дар ин самт бештар гардад.

Дар идомаи конфронс дар мавзӯъҳои “Системаҳои иттилоотӣ дар микросерверҳо”, “Муаммоҳои таълими математика ва ташаккули салоҳиятнокии донишҷӯён дар шароити муосир” маърӯзаҳо пешниҳод гардиданд.

Нуъмон РАҶАБЗОДА,

«Омӯзгор»