(Вожаномаи Муродӣ)
Китоби “Пайкори мӯрон”-и Абдурауф Муродиро гирифтаму дар як нишаст хондам. Хулосаи ман чунин аст: мақоли “як сухан 366 паҳлу дорад” дуруст набудааст: Муродӣ 367-умин паҳлуи суханҳои одии моро ошкор кардааст! Бовар накунед, ба ин вожаномаи устоди танз таваҷҷуҳ кунед:
Зан – намак: марди якзана – марди бонамак, марди дузана – марди шӯр.
Яхдони холӣ – оғӯши холӣ.
Меҳмони шӯравӣ – дуди мӯрӣ, меҳмони муосир – дуди димоғ.
Нависанда – деҳқон, мунаққид – комбайн.
Раис – шикампарвар.
Зани раис – раисаи раис.
Бевазани фарзанддор – ситораи думдор.
“Ҷони ширин” – асари фантастикӣ.
Оғӯши зан – қароргоҳ, оғӯши маҳбуба – шикоргоҳ.
ҳамқадами замон – ҳамқадами занон.
Фоҳиша – мавизе, ки чил қаландар мехӯрад.
Симчӯб – маъшуқаи маст.
“01” – хушдоман, “03” – ҳамсоя.
Дугонаи зан – ягонаи ман.
Ҷамъияти ибтидоӣ – зану мард дар ҷойгаҳ.
Оқибати сел – акт.
Оғӯши маҳбуба – паноҳгоҳи сиёсӣ.
Ошиқи гул – боҷаи булбул.
Бӯса – нонпари рухсор.
Забони ишқ – забони бе сарфу наҳв.
Нархи дору – неши ору.
Дафтари андоз – чоҳи бетаг...
Бар хилофи Абдурауф Муродӣ дар муқоваи охир “тамом” наменависам, сенуқта мемонам, чунки зарофатгӯйиҳои ӯ давом дорад!
Азим Байзоев
Иловакунӣ
Иловакунии фикр