Мудири шуъбаи маорифи ноҳияи Шаҳритӯс Нурилло Мураталиев изҳор дошт, ки озмун барои квотаи Президентӣ дар муассисаи таълимии №1-и ноҳия баргузор гардид ва дар он 238 довталаб иштирок карданд. Аз ин теъдод 99 нафар ба даври вилоятӣ роҳхат гирифтанд. Гуфта мешавад, ки ҳуҷҷатсупорӣ ба дигар макотиби олии хориҷи кишвар низ идома дорад. Бақайдгирии довталабон дар Маркази миллии тестӣ дар муқоиса ба солҳои қабл ба маротиб зиёд мебошад. Тибқи иттилои манбаъ, имсол аз ҳисоби хатмкунандагони синфҳои 9 ва 11 то 3-юми апрели соли равон 945 нафар ба қайд гирифта шудаанд.

С.АЗИЗӢ,

“Омӯзгор”