Аз 28 май то 1 июни соли 2018 дар шаҳри Долгопруднии Федератсияи Россия 2-юмин Олимпиадаи байналмилалии аврупоӣ аз фанни физика (EuPhO-2018) баргузор гардид. Дар он 115 довталаб аз 23 давлати дунё, аз ҷумла, Тоҷикистон, Қазоқистон, Туркманистон, Озарбойҷон, Федератсияи Россия, Руминия, Эстония, Италия, Швейтсария, Словакия, Словения, Латвия, Маҷористон, Сербия, Македония ва ғайра иштирок карданд. Ҷумҳурии Тоҷикистонро 2 нафар хонанда муаррифӣ намуданд.

Дар ҷамъбаст Сабина Абдураҳмонова, хонандаи синфи 11-и муассисаи давлатии таълимии «Литсей барои хонандагони болаёқат» дар шаҳри Душанбе, сазовори ҷойи дуюм (медали нуқра) ва Далер Пиров, хонандаи синфи 9-и муассисаи хусусии таълимии литсей-интернати тоҷикӣ-русии «Ҳотам ва ПВ» дар шаҳри Душанбе сазовори ҷойи сеюм (медали биринҷӣ) гардида, Парчами Тоҷикистонро дар байни 23 давлати дунё баланд бардоштанд.

«Омӯзгор»