(Саҳнае аз байтбарак бар ашъори Камоли Хуҷандӣ)
А
Аввал ҳадиси ту гӯянд мардумон
Бар шохсори гул, чу дароянд дар сухан.
Н
Наравам ба акси душман зи дараш ба ҳеҷ пое,
Ки саре ниҳодам ин ҷо, ки ба ҳеҷ теғ барнадорам.
М
Макун ин ҳама душманӣ бо Камол,
Ки мискин ба ҷон дӯстдор асту бас.
С
Саҳл бошад бар канори мо гирифт аз гиря об,
Бар канори об чун гул гар тавон биншонданаш.
Ш
Шӯхиву фитнагару сангдилу аҳдшикан,
Чашми бад дур, ба чандин ҳунар оростаӣ.
И
Ид меояду вақт аст, ки дар маҳ нигарем,
Парда баргир, ки аз маҳ ба ту муштоқтарем.
Маҷлиси мо ба ҳузури ту чунон аст имрӯз,
Ки камин ходимааш ҳури ҷинон аст имрӯз.
З
З-он лаби пуршакарат лутф ҳамебораду ҳусн,
Ки бипарвард лаби ӯ ба наботи ҳасанаш.
Шаби фироқи ту аз ашк пуртар аст ду чашмам,
Шабе, ки маҳ набувад, чашм пур бувад зи ситора.
Агарчи дур бувад маҳ зи ту ба сад фарсанг,
Даҳони ту ба шакар нисбатест танготанг.
Г
Гарчи нуқсони Камол аз маю шоҳидбозист,
Дар мақоме, ки ҳама ӯст, чӣ нуқсону камол.
Л
Лутфи андомат, ки пероҳан ба доман менуҳуфт,
Тарсам аз соид, ки нанҳад дар миёни остин.
Назми Камол баста ба ҳам риштаи дур аст,
Гуфтори дигарон ҳама бар ресмон гиреҳ.
Ҳ
Ҳадиси Юсуфи Мисрӣ, ки аҳсанулқасас аст,
Касе ба сӯз нахонад чу пири Канъонӣ.
Ин сӯзи дарун зи сӯхтан нест,
Носохтани ту сӯхт ҷонам.
Мекунад дар даври чашмат дил зи ҳар вақте хурӯш,
Вақти гул ҳаргиз набошад булбуле бе ғулғуле.
Э
Эй сабо, то кай ба зулфи ёр бозӣ мекунӣ,
Сар диҳӣ бар бод, чун бисёр бозӣ мекунӣ.
Муяссархон Юсуфова,
омӯзгори забон ва адабиёти тоҷики литсейи ДДҲБСТ, шаҳри Хуҷанд
Иловакунӣ
Иловакунии фикр