Филиали Ассотсиатсияи КАРИТАС-Олмон дар Тоҷикистон дар ҳамкорӣ бо мақомоти иҷроияи ҳокимияти давлатии ноҳияи Айнӣ ва ташкилотҳои ҷамъиятии шарики худ “АЗИТ” ва “ДАРО” дар арафаи Рӯзи маъюбон ва пиронсолон мусобиқаи рафиқона миёни дастаҳои баскетболи маъюбони шаҳри Душанбе ва вилояти Суғд созмон дод, ки дар он намояндагони ташкилотҳои давлатӣ, ғайридавлатӣ, байналмилалӣ ва сокинони ноҳияи Айнӣ, инчунин, шахсони маъюб ва аъзои оилаи онҳо ширкат варзиданд.

Мусобиқаи баскетбол миёни дастаҳои шаҳри Душанбе ва вилояти Суғд оғоз гардид. Баскетболбозони ҳар ду даста маҳорати баланди касбӣ нишон доданд ва дар ниҳоят, мусобиқа бо ҳисоби 49-23 ба фоидаи дастаи шаҳри Душанбе анҷом ёфт. Ҳар ду даста барои иштироки фаъол бо ифтихорномаҳо сарфароз гардонида шуданд.

«Омӯзгор»