Ба истиқболи 30-солагии Истиқлоли давлатии Ҷумҳурии Тоҷикистон дар ноҳияи Шаҳристон сохтмони бинои нави муассисаҳои таҳсилоти миёнаи умумӣ идома дорад. Раиси вилояти Суғд Раҷаббой Аҳмадзода зимни сафар ба ноҳия бо рафти бунёди бинои гимназия ва бинои муассисаи таҳсилоти миёнаи умумии рақами 19 шинос шуд.
Бинои гимназия барои 380 хонанда сохта шуда, он аз ду ошёна иборат мебошад ва сохтмони он соли равон ба анҷом расонида мешавад. Бинои муассисаи таҳсилоти миёнаи умумии рақами 19 бо дастгирии мақомоти иҷроияи ҳокимияти давлатии вилоят бунёд мегардад.