Дар шаҳри Хоруғ ва ноҳияҳои ВМКБ бештари чорабиниҳо, бахусус, маъракаҳои ҷашнӣ бо намоиши дастэҷоди ҳунармандон оғоз меёбанд. Эҳёи суннату ҳунарҳои қадимаи миллӣ имкон дод, ки насли замон бо офаридаҳои нодири гузаштагон аз наздик ошноӣ пайдо кунад.  Чанде пеш дар маркази ноҳияи Шуғнон ганҷинаҳои қадима ва офаридаҳои солҳои соҳибистиқлолии Ҷумҳурии Тоҷикистон ба маъраз гузошта шуд.Таваҷҷуҳи мардум ба асбобу анҷоми рӯзғори қадимаи бофандагӣ, ресандагӣ, кашидадӯзӣ, кӯлолгарӣ ва дигар ҳунарҳо хеле зиёд буд.

Савригул НАВБУҲОРОВА,

омӯзгори технологияи муассисаи

таҳсилоти умумии асосии № 21-и ноҳияи Шуғнон