Шукри насли Оли Сомон мекунем,

Шукри бахти тоҷдорон мекунем.

Шукри ваҳдат, шукри истиқлоламон,

Шукри Меҳан – Тоҷикистон мекунем.

Эй хушо, озодию осудагӣ,

Шукри ин мулки гулистон мекунем.

Шукр аз Рашту Бадахшону Хуҷанд,

Шукри Хатлону Зарафшон  мекунем.

Мешавад шаҳкориҳои мо фузун,

Шукри рӯзии фаровон мекунем.

Иттиҳоди тоҷикон поянда бод,

Шукр аз ин ваҳдатистон мекунем!

Дар раҳи  аҳду  вафову дӯстӣ

Шуҳратафзун Тоҷикистон мекунем.

Шукрия Давлатбекова,

омӯзгори мактаби №71-и  

ноҳияи     Шоҳмансур