Дарс,  қувва  ва  неруи  он  дар ҳақиқат муъҷизаовар  аст.  Омӯзгор  метавонад  роҳу  усулҳои  гуногуни  таълимиро,  аз қабили таҳияи тест,  луғатомӯзӣ,  таҳлил  ва  дигар ҷанбаҳои  дарсӣ самаранок, бо дарназардошти таълими  салоҳиятнок  ба  хонандагон  хубтар  омӯзонад.

  Вақте  хонанда  дар  доираи  мавзӯи  худ  луғатро  бо  салоҳиятҳои таълимӣ   меомӯзад,  ӯ  мехоҳад  бо  тариқи  таҳлили  ҳамон  луғати  додашуда   маъноро  васеътар  фаро гирад. 

 Дар асл, таваҷҷуҳи бештари хонандаро бояд омӯзгор дар  луғатомӯзӣ  ва  дуруст  истифода  бурдани  он  дар  вақти  таҳлил,  навишти матн  ва  корҳои  гурӯҳӣ  ё  ин  ки  дар  вақти  нофаҳмо будани ҳамон луғатвожа ҷалб сохта, ба таври содаву фаҳмо ба  хонандагон  омӯзонад.  Хонанда  то  қадами  нахустинро  ба  муассиса  гузоштан  аллакай  захираи  ибтидоии  луғатро  дар  кӯдакистон ва  муҳиту  муоширати  хонаводагӣ  баён  карда  метавонад.

Омӯзгор  бояд  аз фанҳои  забонҳои  тоҷикӣ,    русӣ,  англисӣ ва  табиатшиносӣ  ҳамаи луғатҳои  додашударо омӯзонад  ва  маънои  он  луғатҳоро таҳлил  ва ба  хонандагон  шарҳу тафсир карда  тавонад.

Мо ин ҷо  як  мисолеро  тибқи  нақша  меорем.

Бахусус,  дар  васфи  модар  мо  метавонем  дигар  калимаҳоро, аз  ҷумла, ваҳдат,  кайҳон,  истиқлолият,   устод,  чеҳра,  озодӣ   мактаб,  Ватан   ва  дигар  луғатҳоро ба таври гурӯҳбандӣ  ё  ин  ки  тақсими  варақаҳо,  рӯзномаи  дубахша,  усулҳои  фаъоли таълим  аз  худ  намуда,  сифатҳои  зиёди  онро  бо  усули  омӯзиши  салоҳиятнокӣ  хубтар  таҳлил  карда  тавонем.

Луғатҳое, ки  ба  хонандагон  пешниҳод  мегардад,  бояд  бештар моҳияти  тарбиявиро доро бошад. Хонанда  дар  вақти  гузаштани  дарс  маънои  калимаҳоро аз  сарчашмаҳои  гуногун,  фарҳангномаҳо,  луғатҳо  ва  пурсиш  аз  омӯзгорон  барои  худ   муайян намуда, ба  маънои  асосии  он  диққати  ҷиддӣ  зоҳир намояд.

Дар  солҳои  охир  ҷанбаи  омӯзиши  луғат  ва ғанӣ гардонидани  роҳу  усулҳои  он  хеле  васеъ  шудааст.  Истифодаи  луғат  дар  вақти  гузаштани дарси  омӯзгор  ба  он  далолат  мекунад,  ки  самаранокии  онҳо,  пеш  аз  ҳама,  аз  пурра  ва  моҳирона таълим додани омӯзгор вобаста  аст,  онҳо  аз  ҷониби  омӯзгор  дар  дарси  забони  тоҷикӣ  истифода  бурда  мешавад.  Дар  асл  омӯзиши  луғатро  бояд  натанҳо  дар  маълумоти  забонӣ,  балки  табиӣ,  психологӣ,  тарбиявӣ  ва  амсоли  инҳо  дида  тавонем.

Гулҷаҳон Ҷӯраева,

омӯзгори мактаби №6, ноҳияи Айнӣ