Хонандаи синфи 11-и литсей барои хонандагони болаёқат дар шаҳри Душанбе Шамс Давлятбеков дар олимпиадаи ҷаҳонӣ аз фанни биология (IBO-2021), ки ба таври онлайн доир шуд, соҳиби медали биринҷӣ гардид. Олимпиадаи мазкур 19-24 июл дар шаҳри Лиссабони давлати Португалия бо иштироки 304 нафар аз 76 давлати дунё доир шуд. Дар он аз Тоҷикистон 4 нафар иштирок намуданд.

Ин дуюмин медали Шамс Давлятбеков дар олимпиадаҳои ҷаҳонӣ мебошад. Соли гузашта низ Шамс Давлятбеков дар олимпиадаи ҷаҳонӣ аз фанни биология (IBO-2020), ки дар шаҳри Нагасакии давлати Ҷопон баргузор гашт, соҳиби медали биринҷӣ гардида буд.