Дар  коллеҷи тиббии шаҳри Кӯлоб ба номи Раҳмонзода Раҳматулло Азиз  нишасти матбуотӣ доир гардид. Директори коллеҷ Зайдулло Азиззода  қайд намуд, ки дар коллеҷ раванди таълиму тарбия дар 18 кафедра аз рӯи 7 ихтисос  ба роҳ монда шудааст.

Маъмурияти коллеҷ барои ба соли нави таҳсил омода намудани муассиса корҳои таъмиру тармимро ба маблағи 325 ҳазор сомонӣ ба анҷом расонидааст. Сохтмони бинои хобгоҳи донишҷӯён иборат аз 9 ошёна ва  барои 700 нафар идома дошта, 50%-и корҳои сохтмонӣ дар арафаи анҷомёбӣ қарор дорад. Сатҳу сифати дониши донишҷӯён сол то сол боло рафта, дар соли 2021 дар олимпиадаи ҷумҳуриявӣ 5 нафар донишҷӯ  аз фанҳои табиатшиносӣ сазовори ҷойҳои ифтихорӣ гардиданд. Соли ҷорӣ коллеҷро 1152 нафар донишҷӯ   хатм намуд, ки 911 нафарашон духтарон мебошанд. Маъмурияти коллеҷ  ҳамкориро бо 32 муассисаи тиббию табобатии шаҳру ноҳияҳои минтақаи Кӯлоб  ба роҳ мондааст. Ҷамъбасти нимсолаи якум нишон дод, ки 15%-и донишҷӯён бо баҳои «аъло» имтиҳонҳоро ҷамъбаст намудаанд.