Дар соли таҳсили 2020-2021 шумораи умумии гирандагони стипендияҳо дар вилояти Суғд 788 нафарро ташкил медод, ки аз ин шумора 95 нафар гирандагони стипендияи Президентӣ, 130 нафар гирандагони стипендияи раиси вилоят барои донишҷўён, магистрантон ва аспирантони муассисаҳои таҳсилоти олӣ ва миёнаи касбӣ, 519 нафар гирандагони стипендияи раисони шаҳру ноҳияҳо ва 44 нафар дигар сарпарастон мебошанд.

Бо мақсади ҷалби наврасону ҷавонон ба варзиш дар вилоят 44 мактаби варзишӣ амал менамоянд, ки дар онҳо 1267 гурўҳ бо фарогирии 16198 тамринкунандагони наврасу ҷавон аз намудҳои олимпӣ ва 263 гурўҳ аз намуди миллӣ бо фарогирии 3295 машқварзони наврасу ҷавон амал намуда, ҳамарўза ба машқ фаро гирифта мешаванд.