15 август дар Филармонияи давлатии Тоҷикистон ба номи Акашариф Ҷўраев даври ниҳоии Фестивал-озмуни ҷумҳуриявии телевизионии эҷодиёти халқ- «Андалеб-2021» ҷамъбаст гардид, ки Шоҳҷоизаи фестивалро ҳунармандони шаҳри Панҷакент ба даст оварданд. Ҷои якум насиби ҳунармандони ноҳияи Восеъ, Ҷаббор Расулов ва шаҳри Ҳисор, ҷои дуюм аз ҳунармандони шаҳри Хуҷанд, шаҳри Турсунзода ва ноҳияи Ёвон ва ҷои сеюм насиби ҳунармандони ноҳияҳои Рўдакӣ, Файзобод, Тоҷикобод, Рашт ва Муъминобод гардид.

Фестивали имсола ба 30-солагии Истиқлоли давлатии Ҷумҳурии Тоҷикистон бахшида шуда, бештари суруду оҳангҳо тараннумгари Тоҷикистон, истиқлол ва модару ватан буданд.