Чунонки мудири шуъбаи фарҳанги ВМКБ Сайёд Қурбонмаҳмадов иттилоъ дод, бори сеюм аст, ки дар ҷумҳурӣ озмуни ҷумҳуриявии  «Тоҷикистон - Ватани азизи ман!» баргузор мешавад.

Имсол дар озмуни ноҳиявию шаҳрӣ 380 нафар иштирок намуда, 100 нафар аз онҳо  ҳуқуқи дар озмуни вилоятӣ ширкат карданро пайдо намуданд. Аз  38 нафар, 17 нафар ҷойи аввал, 12 нафар ҷойи дуюм ва 9 нафар ҷойи сеюмро соҳиб шуданд.  Раиси ҳайати ҳакамон, муовини раиси Иттифоқи бастакорони Тоҷикистон Сангалӣ Ҳамидзода аз ташкилу баргузор намудани озмун ба мақомоти иҷроияи ҳокимияти давлатии вилоят изҳори қаноатмандӣ намуд.  Раиси вилоят Ёдгор Файзов ба ғолибони даври вилоятӣ дипломҳои дараҷаи  1, 2, 3 ва мукофотпулӣ тақдим намуд.

Ҷ.Қозибеков,

  «Омўзгор»