Зимни нишасти матбуотӣ дар Донишкадаи технология ва менеҷменти инноватсионии шаҳри Кӯлоб ректори донишкада А. Ниёзов иброз намуд, ки донишкада бо 25 муассисаи олии касбии Федератсияи Россия шартномаҳои ҳамкориҳоро ба имзо расонид, ки тибқи он донишҷӯёни Донишкадаи технология ва менеҷменти инноватсионии шаҳри Кӯлоб метавонанд таҳсилро дар магистратураи донишгоҳҳои Федератсияи Россия идома диҳанд. Айни ҳол 1000 нафар донишҷӯ тибқи роҳхати донишкада дар хориҷи кишвар бо муваффақият таҳсил доранд. Барои баланд бардоштани сатҳу сифати таълими донишҷӯён ва беҳтар намудани дараҷаи омодагии касбии мутахассисони ҷавон роҳбарияти донишкада ба 43 корхона ва ташкилоту муассисаҳои шаҳри Кӯлоб шартномаҳои ҳамкорӣ дорад. Ҷамъбасти рейтинги солонаи донишҷӯён нишон дод, ки сатҳу  сифати таълиму тарбия аз 71% ба 77,% баланд рафта бошад ҳам, мутаассифона, 32 нафар донишҷӯ бинобар суст будани сатҳи донишашон аз донишкада хориҷ карда шуданд. Соли хониши 2017-2018  340 нафар донишҷӯ бакалавр ва 88 нафар магистратураро хатм намуданд.

Шариф АБДУЛҲАМИД,

 «Омӯзгор»