Ҳар сол бо ибтикори ҷамъияти саҳҳомии шакли пўшидаи «Шарқ Ко» дар шаҳри Хоруғ мусобиқаи шоҳмот баргузор мегардад. Имсол  ин мусобиқа дар меҳмонхонаи «Сирена» баргузор шуд. Дар он довталабон аз шаҳри Хоруғ ва ноҳияҳои вилоят ширкат доштанд. Сардовари сабқат Вафомамад Нурмамадов изҳор дошт, ки дар муҳайё намудани мусобиқа саҳми соҳибкорони ватанӣ шоистаи дастгирӣ аст.

Бояд қайд кард, ки ширкати барқии «Помирэнерҷӣ» дар баргузории бозӣ ва тадриси фанни шоҳмот байни наврасон дар синфҳои ибтидоии шаҳр панҷ сол пеш саҳм гирифта буд. Кунун шумораи наврасон ва дигар табақаҳо ба шоҳмот афзудааст. Ҷамъияти саҳҳомии шакли пўшидаи «Шарқ Ко» ғолибон ва ширкатдорони мусобиқаро бо мукофотҳои пулию молӣ қадрдонӣ кард.

Ҷ. Қозибеков,

«Омўзгор»