Дар мактаби Президентии шаҳри Хуҷанд даври вилоятии озмуни «Омӯзгори соли Тоҷикистон - 2018» баргузор гардид. Дар озмун довталабон аз 18 шаҳру ноҳияи вилояти Суғд иштирок намуданд. Озмун дар даври аввал аз рӯйи шартҳои зерин гузаронида шуд: кор бо компютер ва тахтаи электронӣ; таҳлили дарс, дарс, соати тарбиявӣ, маҷлиси падару модарон ва саволу ҷавоб дар доираи санадҳои меъёрию ҳуқуқии соҳаи маориф.

Дар даври дуюм бошад, муаррифии таҷрибаи пешқадами омӯзгор мавриди баррасӣ қарор гирифт. Даври дуюми озмунро дар фазои тантанавӣ сардори раёсати маорифи вилояти Суғд О.Каримзода ифтитоҳ намуд.

Ба даври дуюми озмун довталабони шаш шаҳру ноҳияи вилояти Суғд: Хуҷанд, Исфара, Б. Ғафуров, Спитамен, Ашт, Зафаробод роҳ ёфтанд. Довталаби озмуни мазкур омӯзгори фанни зaбон вa адабиёти мактаби №49-и ноҳияи Бобоҷон Ғaфуров  Муродҷон Ҳaйдаров сазовори шоҳҷоиза, омӯзгори фaнии зaбони aнглисии мактаби хусусии «Гулчини мaърифaт»-и  шаҳри Хуҷанд Пaрвиз Олимов, сазовори ҷойи якум гашт.

Довталаб аз шаҳри Исфара, омӯзгори забони русии мaктaби №2-и шaҳри Исфaрa Кифоят Ҳоҷиева сазовори ҷойи дуюм гашт.

Нуъмон РАҶАБЗОДА,

«Омӯзгор»