Дар раёсати маорифи вилояти Суғд ҷаласаи Шӯрои шуъбаи вилоятии Хадамоти давлатии назорат дар соҳаи маориф баргузор гардид.

Дар ҷаласа даҳ масъала, аз ҷумла, рафти иҷрои замимаи иҷозатномаи пешбурди фаъолияти таълимӣ  литсейҳои шаҳрҳои Конибодом, Исфара, Панҷакент, Мастчоҳ, кӯдакистони №1-и шаҳри Бӯстон ва гимназияи №1-и ноҳияи Бобоҷон Ғафуров, натиҷаи фаъолияти муассисаҳои хусусии томактабӣ дар шаҳри Хуҷанд ва ноҳияи Б. Ғафуров тибқи талаботи Оинномавӣ, натиҷаи аккредитатсияи гимназияи №5-и ноҳияи Ашт, гимназияи №3-и шаҳри Истаравшан, натиҷаи аттестатсияи мактаб – интернати мақомоти иҷроияи ҳокимияти давлатии вилоят, вазъи иҷрои талаботҳои банди 96 Низомномаи намунавии муассисаҳои таҳсилоти умумии Ҷумҳурии Тоҷикистон дар шаҳри Хуҷанд ва ноҳияи Ҷ. Расулов, натиҷаи мониторинги сатҳи донишазхудкунии хонандагон дар муассисаҳои таълимии вилоят, вазъи баргузории рейтинги сатҳи дониши хонандагон ва натиҷаҳои он дар муассисаҳои таҳсилоти миёнаи умумии шаҳру ноҳияҳои вилоят ва рафти иҷрои қарорҳои Шӯрои Хадамоти давлатии назорат дар соҳаи маорифи вилояти Суғд мавриди таҳлилу баррасӣ қарор дода шуда, оид ба масъалаҳои мазкур қарорҳои дахлдор қабул гардид.

Дар ҷамъбасти кори Шӯро ҳисоботи мудири шуъбаи вилоятии Хадамоти давлатии назорат дар соҳаи маориф Абдураҳим Қурбонов оид ба ҷамъбасти фаъолияти шуъбаи вилоятӣ ва бахшҳои шаҳриву ноҳиявии Хадамоти давлатии назорат дар соҳаи маориф дар соли 2018 ва вазифаҳо барои соли 2019 шунида, нақшаи кори шуъба барои нимсолаи аввали соли 2019 тасдиқ карда шуд.

Нуъмон РАҶАБЗОДА,

“Омӯзгор”